نقطة تحوّل كلّية لحياتي المهنية و لمنظوري الفني بشكل عام

انا خريجة كلية فنية و لما بدأت كنت فاكرة نفسي فاهمة كويس انا بعمل ايه ومعايا tools  تأهلني ابقى designer شاطرة

المشكلة كانت في اني كنت دايماً عندي توهان في التصميم و دايماً بنهي التصميم بتاعي بجملة “في حاجة كبيرة ناقصة .. ايه هي؟  مش عارفة!” الافكار فقيرة مش متزنة مفيهاش روح مفيش تنفيذ يتقال عليه انه تنفيذ تقيل في ال goal كل التصاميم رتم واحد.. مكنتش عارفة احط ايدي على مشكلتي بالظبط..

بالصدفة طلعلي الاعلان عن ال course  وحقيقي انبهرت ان في حاجة زي كدة موجودة في مصر! انبهرت بمحتوى الcourse  وبخطوات طريقة التدريس وكأني حرفياً داخلة مدرسة لتعليم قواعد وأسس التصميم والمدارس الفنية ومكنتش اعرف ان في منهج كامل متكامل ودراسة لكل حاجة من اول يعني ايه اصلاً كادر ويعني ايه عناصر ويعني ايه concept ويعني ايه اوظف الtools  بتاعتي عشان اخدم التصميم بتاعي و دراسة كوادر التصوير وازاي اطلّع صورة من منظور مختلف وبأساسيات وقواعد التصوير المظبوطة والتعامل مع العميل بطريقة professional و ازاي ابقى بدافع عن التصميم بتاعي بثقة عشان بقى في وعي كافي عندي ان كل حركة بتحركها في التصميم ليها سبب و ليها انطباع و مبنية على اساس معين.
خرجت برة الcomfort zone  .. دلوقتي بقيت قادرة اطلع التصميم  بكذا اتجاه.. وفهمت ان اللي هيميزني في المجال مش ان ازاي هتنافس مع المصممين الموجودين (زي ما كتير من الناس فاهمة ده واللي انا كنت واحدة منهم) لكن اللي هيميزني هو انه يكون ليا طابع مختلف اعرف اعبر بيه صح و اوصل بيه وجهة نظري بطريقة سليمة و مدروسة وطبعاً ده أثر بشكل كبير جداً على فكري في الlogos  اللي حقيقي اختلف كلياً.

 من ٤ سنين لما بدأت الcourse كنت junior و كنت حقيقي لا افقه اي شئ ولا املك غير بعض الtools كمان مش كلها و دلوقتي انا art director و ده بعد ربنا يرجع للcourse اللي حقيقي فضله عليا كبير جداً و هيفضل الcourse من احسن القرارات اللي اخدتها في حياتي و شكراً من قلبي ان حضرتك فتحتلي البوابة اللي وراها حياتي حقيقي و بدون مبالغة اتغيرت ١٨٠ درجة.